❧ A un ord Villain, qui en compaignie de Dames, jactoit la grosseur de son Membre
Tu n’as beaulté, bonté, ne bonne grace,
Et ne sçaurois entre Gentz plaisanter,
D’où prendz tu donq’ une si folle audace
De ton service aux Dames presenter ?
Tu ne sçays rien, si non de te venter
Qu’as un gros membre, et long oultre mesure.
Va t’en (Villain) au Bordeau contenter
L’infect desir de ton orde Luxure.